"ԱՅԳԵՊԱՆ", "ՎԿՈՒՍ ԱՐՄԵՆԻԻ" ԵՎ "ԹԵՅՍԹ ՕՖ ԱՐՄԵՆԻԱ" ՊԱՀԱԾՈՆԵՐ
"ԵՂԵԳՆԱՁՈՐԻ ՊԱՀԱԾՈՆԵՐԻ ԳՈՐԾԱՐԱՆ" ՓԲԸ

Եղեգնաձորի պահածոների գործարանը 
հիմնադրվել է դեռևս խորհրդային տարիներին ՝ 1965 թվականին :
 2015 թվականին գործարանը կապիտալ նորոգվել է , վերազինվել նորագույն սարքավորումներով ՝ արտադրական գործընթացը հավասարեցնելով եվրոպական չափանիշներին:
Նոր շունչ առնելով և ընդլայնելով արտադրության ծավալները , գործարանը մարզի բնակչությանն ապահովել է ավելի քան 200 աշխատատեղով: 

Ելնելով մարզի աշխարհագրական դիրքից ՝ Վայոց ձոր մարզի մրգերն ու բանջարեղենները միշտ առանձնացել են իրենց յուրահատուկ համով և բուրմունքով: 
Հաշվի առնելով հայրենի հողի բերք ու բարիքի այդ առավելությունը , հումքի մոտ 90 տոկոսը մթերվել է նույն մարզից ՝ Վայոց ձորից :
Գործարանն արդեն իսկ ունի 60 անուն տեսականի ՝ կոմպոտներ , մուրաբաներ , ջեմեր , բանջարեղենային պահածոներ , որոնք աչքի են ընկնում իրենց յուրահատուկ համային հատկություններով և բարձր որակով : 
Ապագայում նախատեսվում է արտադրանքի տեսակների համալրում: 

Վերանորոգվելուց և վերազինվելուց հետո Եղեգնաձորի պահածոների գործարանը , ՀՀ գյուղատնտեսության նախարարության կողմից 2015 թվականին պարգևատրվել է ոսկե մեդալով ՝ բարձր որակի համար: 
2016 և 2017 թվականներին Մոսկվայում տեղի ունեցած սննդարդյունաբերության ոլորտի խոշորագույն միջազգային ցուցահանեսում շահել է մի շարք ոսկե մեդալներ , ինչպես նաև գավաթներ և հատուկ պատվոգրեր `պահածոյագործության ոլորտում խոշոր ներդրում կատարելու համար:

Եղեգնաձորի պահածոների գործարանը չի սահմանափակվում տեղական շուկայով , քանի որ նրա նպատակային շուկան ԱՊՀ երկրներն են , մասնավորապես՝ Ռուսաստանը:
Տեղական շուկայում Եղեգնաձորի պահածոների գործարանը հանդես է գալիս Այգեպան ապրանքանիշով , ռուսական շուկայում ՝ Вкус Армении ապրանքանիշով, իսկ եվրոպական մի շարք երկրներում և ԱՄՆ-ում Taste of Armenia ապրանքանիշով :