"ՄԻԳ ՏՐԱՆՍ" ՄԻՋԱԶԳԱՅԻՆ ԲԵՌՆԱՓՈԽԱԴՐՈՒՄՆԵՐ

Միգ Տրանսի ամբողջ անձնակազմը շնորհավորում է Ամանորի և Սուրբ Ծննդյան տոների կապակցությամբ:

Անցնող տարին բարդ տարի էր ցանկացած տնտեսվարողի համար, սակայն մենք չենք դադարել աշխատել՝ կատարելով հնարավոր ամեն ինչ, որպեսզի ժամանակին իրականացնենք մեր գործընկերների բեռնափոխադրումները, իսկ պատերազմի ժամանակ՝ հնարավորինս աջակցենք թիկունքից։ Յուրաքանչյուր Ամանոր նոր մեկնարկի սկիզբ է ազդարարում։ Ցանկանում ենք, որ այդ մեկնարկը բոլորի համար լինի հաջողակ ու խոստումնալից՝ անցնող տարում թողնելով բոլոր անհաջողությունները:

Անցնող տարին ճանապարհում ենք գրանցած աշխատանքային հաջողություններով, շուրջօրյա անընդմեջ գործունեության արդյունավետությամբ, և ոտք ենք դնում հաջորդ տարի` դրական ակնկակիքներով ու սեփական ուժերի հանդեպ ակնհայտ վստահությամբ՝ համախմբելով մեր ջանքերն ու կարողությունները՝ բեռնափոխադրումները նոր մակարդարկ բարձրացնելու համար:

Շնորհակալ ենք մեր հաճախորդներին և գործընկերներին վստահության և համագործակցության համար, որը մեզ ավելի է պարտավորեցնում՝ նորանոր հաջողությունների հասնելու։ Թող այս տարին բոլորի համար լինի խաղաղության, սիրո, համերաշխության, նորանոր հաջողությունների տարի։

Շնորհավոր Ամանոր և Սուրբ Ծնունդ