Ինչպե՞ս կարող եք օգնել կախվածության մեջ գտնվող սիրելիին:
--- Զրուցել։
Կախվածություն ունեցող անձին պետք չէ պարտադրել կամ այսպես ասած կաշառել, որ «եթե դու բուժվես մենք էլ սա կանենք»: Պետք է զրույցներով բերել համոզմունքի, որ պետք է բուժվի: Կարող եք տալ բժիշկների կամ կենտրոնների տվյալներ ուր կարող է դիմել և ասել, որ պատրաստ եք օգնել ամեն ինչում:
---Մի լուծեք նրա խնդիրները:
Հարազատները հաճախ ակամայից աջակցում են գործածմանը: Օրինակ ՝ Նրանք ազատում են կախվածություն ունեցող մարդուն բացասական հետևանքներից: Տուգանքներն են վճարում, մարում վարկերը և այլն։ Մարդը վստահ է լինում, որ իր խնդիրները լուծվելու են և հեշտությամբ կկրկնի այն:
Պետք է ցույց տալ, որ դուք կաջակցեք իրեն օրինակ բուժման մեջ: Կոգնեք վերաինտեգրվել որպիսզի նա իրեն լավ զգա և կարողանա իր խնդիրները լուծել:
---- Բարձրաձայնեք ձեր զգացմունքները: Կարևոր է խոսել այն մասին, թե ինչը Ձեզ դուր չի գալիս, պաշտպանել ձեր սահմանները, արտահայտել ձեր ցանկությունները: Կարևոր է նաև ընդգծել մարդու դրական կողմերը, ուրախացնել, աջակցել, շնորհակալություն հայտնել այս կամ այն բանի համար, բայց որը կապ չունենա գործածման կամ կախվածության հետ:
! Կարևոր է խնդիրը չթաքցնել ընկերներից և հարազատներից, չպաշտպանել իրեն և չարդարացնեն իր գործածումը: --- Ագրեսիվ պահվածքի դեպքում ավելի լավ է չգնալ առճակատման, քանի որ անվտանգությունն ավելի կարևոր է:
--- Եվ վերջապես մտածեք ձեր մասին, ձեր ցանկությունների մասին: Կառուցեք ձեր կյանքը դրանց շուրջ և ոչ թե սիրելիի կամ հարազատի խնդրի շուրջ:
Հաճախ կախվածություն ունեցող մարդու հարազատները ամբողջ էներգիան ուղղում են նրա խնդրի դեմ պայքարին և մոռանում են իրենց կյանքը: հաճախ դրանով միայն իրավիճակը ավելի է սրվում և հարազատը դառնում է փոխկախյալ և արդեն ինքն ունի օգնության կարիք:

--- Եղեք առողջ